Ibindu byo tubanini ukumenya bili bingi bwenene na tubani tubimenye higulu tubishobwiri. Guno mukolwa gwitu tuli hano gutugwase tweshi nga Bafuliiru na bandi abamuganula indeto yitu Kifuliiru ne zindi izishunshini na yohe tumenye bingi.

​

Isiku zo'tutuzirimwo zikola siku izigweti ibindu bingi bweneene na kandi biliri mu kwingi kwingi  yibyo binatume nitu tugalooza ukukizimenya ngisi byo'twangashobola na ngisi kwoshi kwo'tushobwiri higulu zeene Umufuliiru akolishobwiri bingi mu kumenya, mu kuyigiriza na mu kulooza kiri uwangamuyigiriza gira naye akayigirize abandi.

​

Umufuliiru agweti agayiriza abandi bandu tunayijigwananaga kwo ugundu Mufuliiru naye atakeniri ukumenya bye'byo byo uyo gundi Mufuliiru agweti agayigiriza. Ukudeta kwo ngisi kyoshi kyo' Umfuuliiru ayiji kihikire ugundi Mufuliiru bihuniri tubiike ikibaja ikigatugwasa ukudeta kwo yibyo bizige. Byo'bitumiri guno mukolwa tukagubika hano higulu gutugwase, tugwasanye ukudeta kwo kino kibusi tulirimwo zeene kitatulengane higulu tugwaba twasigwa ne'bindi ibishuba bigatubatala twehe halwitu, no'kutabaala abana bitu, n'abana b'abana babo, ne'bibusi ibigayija.

​

Byo'bitumiri guno mukolwa guliri hano.