top of page
Imigani iliri njira nguma mu njira nyingi umundu angakoleesa mu kuganuula na mu kuyandika. Imigani imutabaala ukudeta kwo umundu atayami hulukaana ngisi nyo angaba aloziizi ukudeta, haliko analengere mu njira igahuna kwo ngisi uwabwirwa yibyo naye abere ayiji yugwo mugani. Kuliri kuganuula mu njira y'akambishwa. Umufuliiru naye agweti imigani ngisi yo aliri mukoleesa, na bino binayerekane kwo indeto yitu Kifuliiru iliri ndeto ngale bweneene. Tugweeti imigani mingi mu Kifuliiru. Hano twakibiika imigani ngisi yo kera twaloonga naho. Haliko tugakola ngisi kwo tushobwiri tukizibiika ngisi kwo ngisi mugani gudesiri.
Imigani Ye Kifuliiru mu Kifuliiru
Abaami babiri batabalamirana.
Abaami babiri batashigwa.
Abaana ikumi ne'ngembe ikumi.
Ababiri yo nio mbamu.
Ababishangiiri bo bakizi bihambanwa.
Abahuuni babiri bataloozania.
Abakazi bo bakayubaka bo banakahongola.
Abakundiini bakizi yibwika uluhu lwe'nguku.
Abandu iri bali bingi batashulika mbeba.
Abandu magirane.
Abatalagaana batagenderanwa.
Abatwa iri baluga batadaha injuki.
Abenge babiri batayokya budiku.
Akaasi uvigiiri katamera ha kwawe.
Akaaya ákali mwe'shoosho, katabula mulozi.
Akabwa akali ha mwabo katabula kumoka.
Akabwa kali mu mama, iri kaganatungulwa.
Akabwa kashaagirwa nako.
Akabwa katabutira kwi'vuha.
Akabwa katayitira ku ngoma.
Akandende katayahukira.
Akanwa kayiji lya si katayiji deta.
Akanyuni kaniini ko kali mu menyi yibisha.
Akasa kayoza mwana.
Akizi yengeha, anabuli yishiirwa.
Amalyogo gakizi buta amaniogomba.
Amasu go winyu gatakubonera nyoko-vyala.
Amata, iri gadetwa-detwa ganahinduke mate.
Amavi ge'fuka gataniiha.
Amavi maniera ho, gataboneka
Amavi muumu gatabaya.
Amiiji ágali hala gatahika na mbeho.
Amiiru go'mwana gatatuma yishe I rubaagiro.
Bihinga wa mushana, birya wa kajungo.
Biki ngaalya, atahaana.
Birindirwa, si bitashwirwa.
Bishekerwa atali nga Bilirirwa.
Bubege kwo, atali nga busingule.
Ga mukaanie atadumbwa.
Gutadeta mukulu nga úwágubwini.
Gutafuba, iri muniini.
Gutalulira mu kanwa ko'winyu.
Hamwa Malyogo hatalaalwa, si hamwa Mujenga hanalaalwe.
Hamwa umulangi halirwa kimbombo.
Hamwabo-vyala umundu halindirwa kinwa, si hatalindirwa kyusi.
He'ngaavu ishonga amahembe, ho ikizi tulira injira.
He'ngima ishonga umunwe, ho inakizi lenga.
He'ngwi itali, nyambwe yo itwa ho'lubaaja.
Hi'bunda likomera umukazi, ho analibutira.
Ho utagasiga umwana, unahasige umugani.
Ho wangatuula no'mubeeshi, unatuule no'mulozi.
Waloonga imigani yooshi
bottom of page