Ukudeta kwo tulonge imikolwa mu Kifuliiru twehe twetubanini ukugikola. Imikolwa yo twangakola mu Kifuliiru ili mingi na kandi tugishobwiri higulu tugweti byoshi ibibanini ukudeta kwo tubikole. Tuli Bafuliiru twehe twetubanini ukuyikolera na twehe twetubanini ukuzamula indeto yitu mu njira zoshi. Ndaye gundi mundu ugatukolera imikolwa yoshi ibanini ne yangatugwasa. Ku yibyo twehe tushobwiri na tubani ukukolesa imisi yitu, ubwenge bwitu no bushobozi boshi bwotugweti ukudeta kwo tuzamule indeto yitu na kutagaba kugizamula naho haliko kugaba kugibiika ahakwanini kiri na kubibusi byoshi ibigakulikira ne biliho bakalonge ngisi kwo bagakizi menya indeto yabo.