Umufuliiru aliri mundu umusima bweneene ukuganuula. Kushagana na ngisi kwo Abafuliiru baliri higulu lyo'kusima ukutuula haguma na bandi mu kaya kaguma, bamusima ukuhumanana ahandu haguma ukudeta kwo baganuule ku bindu bino na biliri.

​

Ikyanya kingi Abafuliiru, bweneene Abagingi, bamuhumanana higulu baganule, banahumabananage mu Kihiiza. Nitu tukabika kino kibaja hano higulu kitutabaale tukizi ganuula higulu lye'bindu byooshi ibiloziri Umufuliiru, i Kifuliiru, ne'Bufuiiru.Tuyiji ibindu bingi, kera twakla bingi, kikola kyanya kyo kukumania imyazi, na ngisi kindu kyoshi uloziri Umfumuliiru.

​

Ku zene ibihiiza bingi ibyalikizi kolerwa mu twaya ngisi ho abandu baliri, yibyo bihiiza ibingi mu byohe bikola ku WhatsApp. Yibyo bihiiza binabagage bimukumani aabandu bingi ukushaga mu ngongo zooshi. Bino bihiiza binabere biliri bya Bafuliiru. Buli bushambale buhamu bweneene.

​

Tukayemererwa ukuyingira mu bihiiza biguma byo'tuyiji bya bafuliiru, tunabagage kera twayunguka ibindu bingi bweneene. Tugweti tugakola ijoro n'izuba higulu lyo'kudeta kwo tugwaase Umufuliiru ne Kifuliiru, hatakigire kidnu kyo tugakitera. Kifuliiru bo bugale bwitu, Ibufuliiru bo bugale bwitu ingingwe.  

 

Kihiiza kya'Bandu bitu higulu lye'ndeto yitu. Tumenye Ibufuliiru. Tumenye abandu bitu, tumenye ne'ndeto yitu. Kino kibaja kiliri hano higulu tulozizi tumenye imyazi yoshi ye'Bufuliiru, imigeeza yitu, imyazi ikalenga,m abandu bitu na'bahandi handu, ne'bindi bingi. Cercle Culturel Fuliiru. Kihiiza kya'Bafuliiru.

​

Mwanasimisibwa no kumenya bingi mu higulu lyo Mufuliiru ne migeeza yage? Kera twakumania ibindu bingi ibimuganulwa mu Bihiiza bya'Bafuliiru ku WhatsApp. Tugweti tugabisingula bwija hiogulu hatagire ikindu igatereka ku kyanya tukolamwo kyo buhinga buhyahya.

​

Abagingi bo tukigweti tukoli banini ukubayegera no kuyuvwa ngisi byo bayiji gira tubisingule, bikatutabaale bikatabaale ne bibusi ibigayija.

​