Ngisi ndeto igweti kwe'muyandikwa. Ikyanya indeto imuba igweti ibiyandike mu yohe bimutuma igagire ikise no'kuboneka kwe'yijikini. Ukuyandikwa mu ndeto ino kandi li'gindi bigweti akamaro kahamu bwenene.

Nitu i'Kifuliiru kigweti ibiyandike mu kyohe, byotunalozizi ukumenya kukino kinyerere. 

Kifuliiru iliri ndeto nyija ukuyandika no kuganula na kandi igoriri mukuyandika higulu amagambo goshi ge fuliiru gatamudetwa kuguma na katamuyandikwa kuguma. Ukudeta kwo twehe twe Bafuliiru tumenye bwija indeto yitu na tunamenye.

​

Ukudeta kwo indeto igenderere ibanini ukuyandikwa. Na yukwo kuyandikwa kwangagirwa na'bandu bingi bingi haliko bwangabiri buhirwa ukulonga ibiyandike mu ndeto na benenayo. Ku yikyo kyanya abandu bagayandika ibindu byabo nga ngisi kwo babibwini bana biyiji kandi li bayandike ibindi bindu kwo kwoshi kulya kwo byangaba mu ndeto yabo nga ngisi kwo bagiyiji.

 

Indeto nyandike imubera igweti ubugale buhamu bweneenehigulu ku kyanya abandu bamuba bagweti bagayandika bamulonga kandi li bamukenera amagambo mingi mahyahya. Yago nago ngagaba galiri mu ndeto yabo kandi li mu zindi ndeto, binahunage kwo yabo abagweti bagayandika bagendi tiiza mu zindi ndeto kandi li balooze igambo lihyehya mu yeyo ndeto yaabo; twehege iyo ndeto ikolaga Kifuliiru. Byobitumiri tugweti guno mukolwa hano, tugakizi bika ngisi ibiyandike mu Kifuliiru byo'tugakizi longa.