Kubenge biki tubike imyazi yitu ku Internet?
Ibufuliiru, nga'handi hoshi tugweti imyazi mingi yo'tubanini twehe twenen ukumenya na'yabandi bangamenya. Ngisi hwe'kihugo kiri kuzene ahija ukubika myazi hali ku Internet. Akamaro kp'kubika imyazi ku Internet kali kahamu bwenene. Iyo myazi twehe twenene twangagilonga ku kyanya kyokyoshi twangalonga i connexion. Ne'kindi kindu kihamu bwnene kuli kushoboza na'bandi boshi abali hala kandi lya'hala banalonge iyo myazi. Ku zene yeshi uyimbwa Mufiliiru atali Ibufuliiru naho. Tugweti abali mu kihugo kitu kye'Congo, hali abali hofi lye'kihugo kitu mu bindi bihugo ibili hofi, haliragi na'bandi abali imahanga. Higulu tutatereke bwene kandi li lwoshi, tubanini ukukizi longa imyazi ye'mwitu. Iyabuno ne'yakare. Ikyanya akasalira bwenene higulu lya yugo mwahanya gotukigweti, AYIVUGWE KABEMBA MUKOME anasalira ko bwangaba buhirwa ukuyongera kungisi gindi mikolwa ikolaho. Tusimire bwenene abakabika umukolwa fuliiru.com ku byoshi bakakola higulu yuko mukolwa gwabo gukatugwasa bwenene.
Guno mukolwa
Abakagwaajika guno mukolwa
Ukudeta kwo guno mukolwa guhike hano, haliri abandu abakakola ibindu bingi. Tukasalira no kugwajika guno mukolwa mu nzaliro zo' kudeta kwo tugwaasanye tuyegeze indeto yitu imbere no' kugwasa abandu bitu abali ikaya ne'mahanga. Tuyiji bingi na tugweti ibindi bingi byo tutazihikira. Yibyo byanatuma guno mukolwa gugasalirwa higulu tubaale imwitu. Tugweti ikiso kya' bandu abashobwiri ibindu bingi.
Guno mukolwa gukagwajika hakola siku. Gukahuna ikiso kyo mweete ne kishobwiiri bingi bwenene. Bano bakakoola bingi bwenene.
Yekagwajika
Ayivugwe Kabemba
Ayivugwe Kabemba akakola bingi bwenene higulu lya guno mukolwa. Kushagira ku nzaliro, byooshi byo buhinga na kumumyeesa guno mukolwa.
Menya bingi ku yehe hano
Yekagwajika
Ayivugwe Kabemba
Ayivugwe Kabemba akakola bingi bwenene higulu lya guno mukolwa. Kushagira ku nzaliro, byooshi byo buhinga na kumumyeesa guno mukolwa.
Yekagwajika
Ayivugwe Kabemba
Ayivugwe Kabemba akakola bingi bwenene higulu lya guno mukolwa. Kushagira ku nzaliro, byooshi byo buhinga na kumumyeesa guno mukolwa.
Myazi ya guno mukolwa
Tukasalira no kugwajika guno mukolwa mu nzaliro zo'kudeta kwotugwasanye tuyegeze indeto yiitu imbere no'kugwasa abandu bitu abali ikaya ne'mahanga. Tuyiji bingi na tugweti ibindi bingi byo'tutazikira. Yibyo byanatuma guno mukolwa gugasalirwa higulu tubaale imwitu.
IMYAZI YA GUNO MUKOLWA
Guno guli mukolwa uguloziri ahandu ahamuhamagalwa IBUFULIIRU, mu Territoire ye'Buvira(Uvira), mu Province ye SUD-KIVU, mu kihugo kye'Congo(RDC). Guno mukolwa gutali gwa polotike kandi li'bindi byoshi ibyangashushana na yohe. Tuli bandu ngana, tulozizi ukuzamula imwitu, indeto yitu : Kifuliiru, twehe : Bafuliiru.
Guno mukolwa ziliri nzaliro za muguma witu mu bana be'Bufuliiru, Mufuliiru nga twehe . Ikyanya akalooza ibindu mu Kifuliiru ku INternet anayiji bona kwo ibiyandike kandi li imyazi yoyoshi umundu angaloza mu Kifuliiru italiri mingi. Anasalira bweneene ikyanya kingi buzira kulonga ishuvyo. Ikija kyoshi anayiji bona kwo ukudeta kwo ikindu kibonekane ku Internet habanini ukuba umundu ugagibikaho. Ikija kyoshi anabagage akasoma ibindu byo'buhinga buhyahya. Anayijibona kwo kiri akasoma ibindu byo buhinga buhyahya haliri yibyo bindi bindu bya'li banini ukulooza higulu amenye ngisi kwo angahikira ukulonga ishuvyo lyayibyo alikolilozizi ukukola.
Ukudeta kwo ulonge ikindu ku Internet haliri amagambo umuba wayandika. Byanahunaga kwo akoleese igambo Ibufuliiru, higulu yo'mwitu na kandi higulu lino gambo alimalilooza analibuula ikyanya alikizi looza mu Google. Yuko izina lyo'mukolwa alikola agagendereza lyanateboneka. Ikyanya akabera agweti agagenderera ne'mikolwa yage yokudeta kwo alonge lino gambo Ibufuliiru ku Internet, byanahuna akizilooza ne'bindi nge' ndeto yitu Kifuliiru, abandu bitu twe'twehe Bafuliiru, anakizihuma kwo biguma biliri hohe ne' bidni bitaliri hohe. Yukwo anayijibona kwo igambo Ibufuliiru litaliri lyonenen naho ilibanini ukulozibwa nokuku Internet haliko biliri bindu bingi bweneene. Anayijibonaga kwo bwangabiri buhirwa nga twangalonga byooshi bye'Bufuliiru. Yaho kukolaga kumenye Ibufuliiru nga handu, a Bafuliiru abandu bayohe iBufuliiru, ne' Kifuliiru indeto ye' Bufuliiru. Inzaliro zanakula bweneene, halinde zene akigenderiri ukukola ibindu bingi no kuyerekeza abandi Bafuliiru ukudeta kwo tukwanini ukukola bweneene higulu tuzamuule indeto yitu Kifuliiru, imwitu Ibufuliiru na' bandu bitu Bafuliiru.
Ku zene gunomukolwa gugweti gugakola mu bindu bingi nga ngisi kwo igindi mikolwa yoshi imuba. Haliko guno mukolwa ukushagirana na ngisi kwo ukagugwajika abwini, mwene witu wa Ayivugwe Kabemba, gutagweti gugakola ibindu binini. Kubenege biki ukuyiluhya no kukola imikolwa mingi?
Ibikatuma guno mukolwa gugashonga hingi, biliri bingi.
1. Inzaliro za mbere za ngisi ukagwajika guno mukolwa.
2. Ngisi byotukagenda tugabona kwo tubuziri ku Bufuliiru, ku Mufuliiru na ku/mu Kifuliiru.
Ukutondobola ngisi kiguma bitangatubera binovu, haliko usalire unalolekeze nawe biki byotwangaba tubuziri ku byoshi ibiloziri byo' buhinga buhyahya.
Hano hidako mugamenye biguma mu byo'kera tukola mukola.